ராவணன் படத்தின் அறிமுக விழாவில் லைவ் டான்ஸ் ஆடி அசத்திய விக்ரம்!

shockan.blogspot.com

மணிரத்னத்தின் படங்களே பெரும்பாலும் மௌனமாகத் தான் பேசிக்கொள்ளும் என்ற நிலையில் தன் படங்கள் பற்றி மணிரத்னம் எப்போதுமே பெரிதாகப் பேசுவதில்லை. இருந்தாலும் இப்போது இரு மொழிகளில் அவர் இயக்கி முடித்திருக்கும் ‘ராவணன்’ படம் பற்றி அறிந்துகொள்ளும் ஆவல் நாடு முழுக்கவே பற்றிக் கொண்டிருக்கிறது.

தமிழில் ஹீரோவாக, அதாவது வில்லனைப் போன்ற ஆன்ட்டி ஹீரோவாக விக்ரம் நடிக்க, போலீஸ் அதிகாரியாக பிரித்விராஜும், அவரது மனைவியாக ஐஸ்வர்யா ராயும் நடித்திருக்கிறார்கள். விக்ரமின் தங்கையாக பிரியாமணி நடிக்க, அபிஷேக் பச்சன் முக்கிய வேடம் ஏற்றிருக்கிறார். இதேபோல் இந்தியில் விக்ரம் நடிக்கும் வேடத்தில் அபிஷேக் பச்சனும், போலீஸ் அதிகாரி வேடத்தில் விக்ரமும் அவர் மனைவியாக ஐஸும் நடித்திருக்கிறார்கள். தமிழிலும், இந்தியிலுமாக விக்ரமிடமும், அபிஷேக்கிடமும் மாட்டிக்கொண்டு அல்லல்படும் பொதுவான வேடத்தில் ஐஸ்வருகிறார்.

அமெரிக்க, ஐரோப்பிய நாடுகளிலும் ரிலீஸ் செய்யப்படும் ‘ராவணன்’, கேன்ஸ் திரைப்பட விழாவிலும் திரையிடப்படவிருக்கிறது. மும்பை ஆடியோ வெளியீட்டு விழாவில் அபிஷேக் ஆடிய லைவ் டான்ஸைப் பார்த்து பல பேர் மகிழ்ந்தனர். இதே போல் தமிழில் ராவணன் படத்தின் அறிமுக விழா நேற்று சென்னையில் நடந்தது. நிகிழச்சியில் அபிஷேக் போல விக்ரம் ஆடிய லைவ் டான்ஸைப் பார்த்து பல பேர் மகிழ்ந்தனர். விழாவில் கவிஞர் வைரமுத்து, இசையமைப்பாளர் ஏ.ஆர்.ரகுமான், மணிரத்னம், படத்தின் நாயகன் விக்ரம், பிருத்விராஜ், கார்த்திக் மற்றும் பிரபு பல பேர் கலந்துக் கொண்டனர்.